主页 > T辉生活 >全亚洲率先试玩台北直击《斗阵特攻》捍卫者战斗营 >

小编推荐

全亚洲率先试玩台北直击《斗阵特攻》捍卫者战斗营


2020-06-18


全亚洲率先试玩台北直击《斗阵特攻》捍卫者战斗营

小弟早几日去咗转台北,当然唔係为咗去逍遥快活,而係应台湾Blizzard Entertainment嘅邀请,参加佢哋喺台北举行嘅大型活动「《斗阵特攻》捍卫者战斗营」。《斗阵特攻》係咩?咪就係Blizzard Entertainment预定今年第二季推出嘅FPS游戏,今次搞呢个活动不单只係一个造势大会,仲係《斗阵特攻》亚洲首个正式对外作公众试玩嘅活动,就等我同大家睇吓3日活动有咩睇,顺手话埋你听《斗阵特攻》係乜一回事添啦!

咩係《斗阵特攻》?

《斗阵特攻》係《Overwatch》嘅中文官方名称,对于Blizzard Entertainment嚟讲,《Overwatch》绝对係一个新尝试,点解咁讲呢?因为《Overwatch》係Blizzard第一只自己开发嘅 FPS游戏,大家都知Blizzard的一向都係做开即时战略式RPG游戏多,好似《Starcraft》、《World of Warcraft》同《Diablo》系列等等都已经起晒朵,今次转去做一只FPS,都算係挑战自己。只Game去年已经开始于北美Server举行封测,我有玩过,虽然并未係100%完全体,但玩起上嚟已经非常畅顺。

《Overwatch》係一个团队对战游戏,每队由6个人组成,当然有Match-making配对系统。角色方面全部都係Blizzard全新创作嘅角色,新鲜感爆灯!会唔会将Blizzard旗下游戏角色加入?依家唔知,但你会信佢唔加咩?色方面分为4大类:其一係拥有高机动性并拥有强大攻击力嘅「Offense」、拥有特别防守能力嘅「Defense」、利用高血量为优势并吸引对手攻击自身嘅「Tank」、以及为队友提供补血、能力强化自己友或弱化敌人嘅「Support」,各职业同角色都会有专属特别能力,要识晒咁多个角色嘅特性虽然唔难,但要玩得好就坚係要好花好多时间去揣摩!

游戏目前开启咗3个游戏模式,分别係「抢旗仔(Point Capture)「、「护卫(Payload)」以及「佔领(Control)」,而我自己就觉得Point Capture係最好玩。暂时未知正常出街时会唔会有其他模式推出,但据了解,只Game并唔係Free-to-play,而係一次过俾旧钱后任玩,然后之后出Expansion或新角色再鐅你笔钱。

全亚洲率先试玩台北直击《斗阵特攻》捍卫者战斗营

◆ 《斗阵特攻》係一只节奏几快嘅FPS游戏,一开始玩係会有啲措手不及,不过好快就可以掌握到个节奏。

全亚洲率先试玩台北直击《斗阵特攻》捍卫者战斗营

◆ 我觉得《斗阵特攻》嘅画风同Blizzard出开嘅游戏係有分别嘅。

全亚洲率先试玩台北直击《斗阵特攻》捍卫者战斗营

◆ 虽然係封测,但可以玩到嘅角色已经唔少。

超阵容100部PC连线对战

今年年初,亚洲区Server都开始咗封测,不过就冇大型派Code,所以好多人都係未接触过只Game,今次呢个活动正正就係一个机会俾一众Game迷亲身试玩。活动为期3日,选址台北台大综合体育馆入面进行,最大焦点就係场入面设有100部PC,全部都连起网络,入场嘅朋友只要肯排队,就一定有机会玩到只Game。除咗有得玩,现场仲设有精品售卖区,卖嘅当然係Blizzard出嘅精品啦,诸如Tee呀、袋呀、公仔呀咁。不过今次活动就特别就一定係全球限量发售嘅「《斗阵特攻》闪光雕像」,每人最多限买2个,每个要成4,500新台币,即大约都要1,100港纸左右啦。另外仲有每个价值3,000新台币、而家只卖500新台币嘅「超值福袋」,入面有一只公仔、有机会係抽到一只DC绝版巫妖王、熊猫人酿酒师、吉姆雷诺及刀锋女皇凯莉根公仔。睇见台湾有呢啲咁正嘅活动,我哋呢班香港玩家真係只能得个恨字,唔知有关方面有冇谂过嚟香港都搞返次呢?

全亚洲率先试玩台北直击《斗阵特攻》捍卫者战斗营
◆ 大大个体育馆中间摆咗100部PC,单单呢个景已经够震撼!全亚洲率先试玩台北直击《斗阵特攻》捍卫者战斗营
◆ 全部都玩机械键盘同靓Mouse,仲有正耳机,呢啲享受并唔係个个都可以享受到! 全亚洲率先试玩台北直击《斗阵特攻》捍卫者战斗营
◆ 头一日就有超过1,200人入场,个个入嚟都会去买嘢,Blizzard呢次真係肥过肥仔啦!全亚洲率先试玩台北直击《斗阵特攻》捍卫者战斗营
◆ 除咗玩家有得玩,大会仲特地请咗台湾当地出名嘅实况名人组成分成两队对战。全亚洲率先试玩台北直击《斗阵特攻》捍卫者战斗营
◆ 呢队输硬啦!都专心唔到……全亚洲率先试玩台北直击《斗阵特攻》捍卫者战斗营
◆ 现场仲设有专畀实况主专用嘅包厢,等佢哋可以将对战进行同步直播。全亚洲率先试玩台北直击《斗阵特攻》捍卫者战斗营
◆ 「斗阵变身造型馆」係一个将你变《斗阵特攻》Q版成英雄角色嘅好机会,漫画家嚮部iPad上面几下手势就画完,劲!全亚洲率先试玩台北直击《斗阵特攻》捍卫者战斗营
◆ 场中仲有一个「战场写真路透社」,就係将《斗阵特攻》入面唔同地图场景同你个人张相合成,再即刻用印相机影出嚟,当係纪念品都正架!全亚洲率先试玩台北直击《斗阵特攻》捍卫者战斗营
◆ 现场仲有唔少Blizzard自家商品等大家选购。全亚洲率先试玩台北直击《斗阵特攻》捍卫者战斗营
◆ 呢个就係全球限量嘅闪光Figurine,整得好精细下,个座仲识着灯喎!全亚洲率先试玩台北直击《斗阵特攻》捍卫者战斗营
◆ 现场仲摆有唔少Concept Art、大海报、1:1游戏内道具Replica。全亚洲率先试玩台北直击《斗阵特攻》捍卫者战斗营
全亚洲率先试玩台北直击《斗阵特攻》捍卫者战斗营
全亚洲率先试玩台北直击《斗阵特攻》捍卫者战斗营
全亚洲率先试玩台北直击《斗阵特攻》捍卫者战斗营
◆ 呢啲场面,又点可以冇囡囡陪打机先?撞鬼个个仲咁鬼好相与!全亚洲率先试玩台北直击《斗阵特攻》捍卫者战斗营
◆ 佢叫丹丹,嚮活动前一日下午就到场排队,当然俾佢排到个第一啦!原来佢係来自一个群组,目的就係要买到5个闪光Figurine同埋10个福袋,最后当然俾佢买到啦!

斗阵特攻

游戏开发:Blizzard Entertainment

游戏发行:Blizzard Entertainment

游就类型:FPS

游戏人数:网上多人

游戏平台:PC / PS4 / Xbox One

推出日期:预定2016年Q2

官方网站



上一篇:
下一篇:
申博太阳城_申傅太阳神|提供最新消息|网站地图 申博官网备用网址_sunbet手机代理登入口 申博官网备用网址_申博私网合作